La rassegna letteraria di maggio a Mombè/Mombello Monferrato si chiude con la presentazione di “Brasca e valòspi” del mombellese Lorenzo Magrassi, sabato 2 giugno alle ore 21 presso il belvedere Melvin Jones adiacente la chiesetta di San Martino di Mombello.
Ad introdurne le letture con commenti sui contenuti Pier Giuseppe Bosco di Cerrina.
Ingresso libero. Info 0142 944101.
“Brasca e valòspi” è edito da Gioventura Piemontèisa.
—————————————————————————-
«Lorens Magrassi a l’é pa da pòchi di ch’a scriv, ma da na bela partìa d’agn, e da soa anviarura fin-a adess a l’é mantnusse fedel a so destin che a lo gropa a soa tèra e sò pais. Tèra e pais che a vivo an minca ‘n vers ëd Magrassi, soens an ton minor e a vos bassa, sij ton che a nasso da l’ambrun-a dla siviltà paisan-a genita, la siviltà che a angagia coj che a l’han conossula e a son anreisasse ancreus, tan ‘ma ‘l nòst, a fene ne rason ëd vita e ‘d poesìa.
La mira ‘d cost poeta a l’é cola ‘d chi ch’a resta frem a so pòst, che a mòla nen, che ‘d soens a fà vis ëd nen vëdde che i soma tuti ij di pì da soj, pì tradì, ëd chi a veul ancor chërde che a l’orisont a-i é ‘d colin-e e peui d’àutre colin-e, pentnà dal travaj e sorgà da le taragne.
Dnans a la poesìa da la vos “fòrta” (an tuti ij sens) ëd Badalin, bele cand a esprim ëd sentiment ancreus, Magrassi a sern pitòst la mesa vos, cola ‘d chi a canta parèj a la bon-a, sensa d’àutr but che esse scotà da soa gent, cola che chiel a na conòss ël cheur.
Cola midema gent dël Monfrà che ancor ancheuj a s’arconòss ant ël bin ëd la tèra e a sà pronunsié a la bon-a ‘d paròle angagiante, tan ‘ma cole ch’a parlo d’un passà glorios che a viv mach pì ant le pere dij castej…»
(Giusep Gorìa an su La Slòira, Mars 1998)
