Tendachënt a l’é ‘n proget ëd Maurizio Martinotti, fondator e cap ëd la stòrica formassion piemontèisa La Ciapa Rusa: vint agn ëd cariera, set disch e consert an tut ël mond a son ël vuajant curriculum ëd cola band fondamental ant l’evolussion e ant l’arneuv dël folk revival.
Tendachënt a nass ant la prima dël ’97 cmé evolussion ëd La Ciapa Rusa, dont a arpija na part dël repertòri artapandlo d’arangiament pì neuv e progressiv. D’antiche danse tan’me le gighe e ij perigordin, d’insòlite melodìe modaj – modaj parèj dij 
pì antrigos riff ghitarìstich del rock, mach pì antiche ‘d chèiche sécol – dë scale arabegiante e ‘d forme da j’adoss ch’as perdo ant ij temp pì lontan e che tutun a goerno na fòrsa e na modernità strasordinarie, ëd canson rituaj ëd derivassion pagan-a, ritmà e cissante…
L’anciarm fin d’un bordon, ël geu rìtmich dle përcussion, ël ciapesse e l’ancrosiesse ‘d tìmber e color, ël vibré dle còrde e ‘l dé dapress dij violin… E na lenga com ël piemontèis, tronca e vajanta, che ben as cobia ai ritm sancrà e turbijos.
Tendachënt a l’é esibisse an Svissra, Fransa, Àustria, Spagna e Portugal. Sò prim disch, “Òri Pari”, a l’é stàit publicà an Italia e an Spagna. Ël grup a l’ha ‘dcò compagnà la cantanta Betti Zambruno ant lë spetàcol “Omaggio a Leone Sinigaglia”, prodovù dël 2001 për ël festival “Canté Bërgera”: da ‘s consert a l’é vnuje fòra ‘l cd “Al longh dë la riviera” (fëvré 2003). Dël 2005 a seurt “La valle dei Saraceni”. Goernand ël sound modern tenzù ‘d sonorità elétriche, segn ëd fàbrica, Tendachënt con ës disch a possa vers ij son e ij ritm mediterani. Òspit avosà Enzo Avitabile, De Calaix, Renat Sette, Paul James, Toni Torregrossa e vàire ancor.
Fija dël paisan (dal canal d’Ethnosuoni)
_______________________________________________________
Tendachënt è una formazione piemontese nata nella primavera ’97 come evoluzione di uno dei gruppi fondamentali del folk revival nord italiano, La Ciapa Rusa: venti anni di carriera, 7 dischi all’attivo e concerti in Francia, Belgio, Inghilterra, Olanda, Danimarca, Stati Uniti, Svizzera, Canada, Germania, Finlandia, Austria, Spagna, Portogallo, Slovenia, Croazia costituiscono il cospicuo curriculum de La Ciapa Rusa.
Tendachënt, che prende spunto per il proprio nome dal titolo del disco d’esordio della Ciapa, vuole essere un omaggio al gruppo madre. Parte del repertorio consiste infatti in una rilettura dei più bei classici del repertorio della Ciapa Rusa. Il gruppo rinuncia ad alcuni degli strumenti, quali il piffero e l’organetto, che più hanno caratterizzato il sound de La Ciapa Rusa, e riveste l’intero repertorio di arrangiamenti nuovi e più progressivi.