Stadi Olìmpich ëd Turin, ai 21 ëd luj. 34mila përson-e a rivo da tute le part për scoté Bruce Springsteen an consert. Chiel, “the Boss”, cand a monta ‘n sël palch, a saluta sò pùblich: «Mi i son content d’esse ambelessì con vojàutri». An piemontèis.
La preuva provà che nòsta lenga pa mach a l’é viva e pronta a fé ‘l sàut vers l’avnì an la dà la percession ëd n’artista ch’a riva da lontan e ch’a lo conòsso an tut ël mond da pì ‘d trant’ani. Dëdlà ‘d tute le lej ëd tùa ch’a fan finta che nojàutri i-i sio nen.
A l’ha salutane an nòsta lenga, an barba a tuti ij provinciaj ëd nòsta ca, ch’a l’han vërgogna ‘d parlela.
A-i é chi ch’a dis ch’a l’avrà falo për ‘d rason comerciaj: s’a fussa parèj a provrìa ancor ëd pì che la lenga piemontèisa a l’é viva, ch’a l’é na lenga veicolar e ch’as peul dovresse dcò për sòn. As peul dovresse për tut e an tuti ij contest, bele ai consert rock.
I ringrassioma Bruce Springsteen për avèj capì e antërpretà an manera giusta la realità dla sità ch’a lo ospitava, na realità che, nopà, ij mojen d’anformassion a seguito a vorèj stërmé, giusta a parte da la lenga pròpia.
Bèica ‘l vìdeo. Ël salut an piemontèis a l’é a 1’06” (Mersì a Gioann-March Pòlli – http://linguedialetti.splinder.com)
VERSIONE IN ITALIANO
Stadio Olimpico di Turin/Torino, 21 luglio. 34mila persone giunte da ogni parte per ascoltare il concerto di Bruce Springsteen. “The Boss”, salito sul palco, saluta il suo pubblico: «Mi i son content d’esse ambelessì con vojàutri». In piemontese.
L’ennesima prova che la nostra lingua non solo è viva e pronta a fare il salto di qualità verso il futuro ce la fornisce la percezione di un artista che arriva da lontano e che è famoso in tutto il mondo da oltre trent’anni. Al di là di tutte le leggi di tutela che fingono che noi non esistiamo.
Ci ha salutati nella nostra lingua, alla faccia di tutti i provinciali di casa nostra, che hanno vergogna di parlarla.
C’è chi dice che l’avrebbe fatto per questioni commerciali: se così fosse ciò proverebbe ancor più che la lingua piemontese è viva, che è una lingua veicolare e che si può usare anche per questo. Si può usare per tutto e in tutti i contesti, anche nei concerti rock.
Noi ringraziamo Bruce Springsteen per avere compreso e interpretato correttamente la realtà della città che lo ospitava, una realtà che, invece, i media continuano a voler nascondere, proprio a partire dalla lingua propria.
Guarda il video. Il saluto in piemontese è a 1’06” (grazie a Giovanni Marco Polli – http://linguedialetti.splinder.com)