A fà 145 agn ancheuj che a-j muiriva an Piemont Bernhard Riemann, un dij pì grand matemàtich ëd la Stòria. A l’era stàit dissepol ëd Gauss a Göttingen. Professor prima an cola università e peuj a Berlin, a l’ha dàit ëd contribussion fondamentaj an vàire àree dla matemàtica: an geometrìa, anàlisi complessa, teorìa dij nùmer.
Ij sò studi an fìsica matemàtica a son stàit fondamentaj përchè Einstein a podèissa rivé a la formolassion dla teorìa dla relatività general.
Riemann, belavans, a l’avìa nen ëd salute (a l’era tìsich) e, për curesse, ant j’ùltim mèis ëd soa vita a l’era trasferisse an sël Verban, a Selasca (ancheuj a Verbania), andova ch’a l’é mòrt ancor giovo giusta ai 20 ëd luj dël 1866.I arcordoma l’ipòtesi che da chiel a pija ‘l nòm, un dij problema pì amportant ëd la matemàtica.
Bernhard Riemann a arpòsa ant ël camposanto ‘d Selasca, aranda dla cesa.Për Piemont a l’é n’onor e ‘n privilegi goernene la tomba e la memòria.
