Piemontèis Ancheuj a nonsia che, an colaborassion con la Companìa dij Brandé, con ël Sénter dë Studi Don Minzoni-Ca dë Studi Pinin Pacòt, con la ca editris Il Punto-Piemonte in Bancarella e con ël patrossini dla Region Piemont e dla Provinsa ‘d Turin, a l’é surtije la crija dij concors
«XXIX Premi ‘d Poesìa» dedicà a la memòria ‘d Pinin Pacòt
«XVI Premi ‘d Pròsa» dedicà ala memòria ‘d Nino Autelli
«III Premi ij Nòstri – Figure dle famije piemontèise» për poesìe, pròse, mùsica, teatro e via fòrt.
Tute j’euvre, fòra-via che la mùsica e ij dissegn originaj ch’a peulo compagné ij travaj ëd le scòle, a dovran rivé an set (7) còpie a: Segreterìa dij Concors 2011 «Piemontèis Ancheuj», Strada di Settimo, 92 – 10156 Turin, nen pì an là dij 15 dë stèmber 2011.
Lacrija as peul trovesse sël sit ëd Piemontèis Ancheuj.
(da “An Piemontèis”)