XXXIII Concors “Sità ‘d Canej”

Organisà da da Sità ‘d Canej – Assessorat a la Coltura – Biblioteca Comunal, dal Sìrcol Didàtich, da la Companìa dij Brandé e da l’Union Associassion Piemontèise ant ël Mond

për conte, fàule, legende, novele, sagìstica e travaj scolàstich an lenga piemontèisa

Trèi travaj premià për mincadun-a dle sinch session.

5 còpie ‘d travaj inédit a dëvo rivé nen pì an là dël 1m ëd Luj 2011 a la magistra Cristina Duretto, Viale italia 253 – 14053 Canej/Canelli (AT) o ant na còpia a cristinaduretto@virgilio.it (con conferma ‘d letura), an marcand ij dàit ëd j’autor, adressa, teléfon e la session che un a veul partessipé.

Premiassion ant ël Salon ëd le Stèile dla Comun-a ‘d Canej, contrà Roma 34, saba 24 dë stèmber 2011 a 4 ore.

Consulté ‘l regolament belessì

Mandé le crije dij concors a giovpiem@yahoo.it. Le crije ant un-a dle lenghe stòriche ‘d Piemont a saran publicà an integral. S’a l’han piasì as podrà dcò, apress la premiassion, mandé ij test ëd j’euvre premià, an formà word e con l’autorisassion a la publicassion an sël sit.
Considerand ij but dël Moviment, ël sit a fà nen reclam a ‘d concors an italian, nì a coj ch’a ciamo la tradussion ëd j’euvre piemontèise. Ij mèistr dël sit a s’arzervo comsìa ‘d serne le signalassion da publiché.