CIRCOLO CULTURALE LANGA ASTIGIANA
LVASSEU (Loazzolo – AT) – Dumìnica 12 ëd Giugn dël 2011
«E s’as trovèisso an Langa?» – 10a Festa dla Lenga Piemontèisa ant la Comunità Montagnin-a Langa Astzan-a
Prim randevó a 10 ore, a la sede operativa dël Cìrcol a Lvasseu, an via G. Penna 1
Premiassion dël IX Concors literari La mè tèra e la sò gent
Sgond randevó a ‘n bòt – disné (€ 18,00 – prenotassion dnans dij 6 ëd giugn: 0144 87185 – 333 6669909 – 340 0571747)
Ters randevó a 3 bòt e mes apopré – danse con “I Saparagià” – grup ëd danse tradissionaj ossitan-e; spasgiada ant la natura a l’Òasi WWF dë Lvasseu “Forteto della Luja” dl’asienda agrìcola dla famija Scajon, con vìsita a l’arserca dj’orchidee, dla flòra e dla fàuna protegiùe.
A-i saran Donato Bosca dl’Arvangia e l’arvista-lìber “Langhe”, tucc ij poeta e jë scritor e vàire òspit ch’a vorëran ësté an nòsta companìa.
As podran visité j’esposission fotogràfiche ‘d Luis Chiarle “Le Langhe non si perdono” e ‘d Vàlter Olivé “I segreti della natura” e ancó “Fruta, fior, erbe” siràmiche e nen mach ëd Milen-a.
Vàire banch ëd prodot locaj: salam ëd Vesme, robiòle ‘d La Ròca, mostarde, conserve, l’amel ëd Cassinasch e ij vin ëd Bube.
Quand ch’a saran tornà coj dla marciada as farà n’alegra marenda seinòira e anans parèj a l’ansëgna dël bon-imor, dle danse, dla bela mùsica, dle canson, dl’amississia e dl’amusman, con tucc j’amis ch’a l’avran veuja ‘d resté con noi a speté ch’a jë sponda dërcò la lun-a.
Anformassion e arzervassion: 0144 87185 – 333 6669909 – 340 0571747