XVIII Reuse Nostran-e a Castion

La Comun-a ‘d Castion (TO), co’l patrossini dla Region Piemont, a promeuv e a organisa ‘l XVIII Concors ëd Poesìa “Reuse Nostran-e”, prémit Renzo Pezzani.

Ël concors a spòrz na session an lenga piemontèisa, na session për j’anlev ëd le scòle elementar e na session për j’anlev ëd le scòle medie.

4 còpie dle poesìe inédite a dëvo rivé nen pì an là dij 30 d’Avril 2011 a la Comun-a ‘d Castion – Prémit ëd Poesìa “Renzo Pezzani” – Via S. G.B. Cotolengo 12 – 10090 Castion/Castiglione Torinese – TO.

An sle poesìe a venta marché ij dàit ëd j’autor, adressa, teléfon e la session che un a veul partessipé.

A saran premià ij prim tre travaj për minca na session.

Premiassion a Castion ant ël Salon comunal ëd via IV ëd novèmber Saba 21 ëd magg 2011 a 4 ore.

Për arsèive la còpia dla crija telefoné an segreterìa: 0121 500097 (da 7 a 8 ore dla sèira).

Mandé le crije dij concors a giovpiem@yahoo.it. Le crije ant un-a dle lenghe stòriche ‘d Piemont a saran publicà an integral. S’a l’han piasì as podrà dcò, apress la premiassion, mandé ij test ëd j’euvre premià, an formà word e con l’autorisassion a la publicassion an sël sit.
Considerand ij but dël Moviment, ël sit a fà nen reclam a ‘d concors an italian, nì a coj ch’a ciamo la tradussion ëd j’euvre piemontèise. Ij mèistr dël sit a s’arzervo comsìa ‘d serne le signalassion da publiché.