Prémit Airaj 2011

Ël Sìrcol Amusant Airaj, sota la tua e l’apògg ëd la Comun-a ‘d San Siond ëd Pinëreul, a proclama ‘l Concors nassional ëd Poesìa ch’a fà 19 “Prémit Airaj 2011”.

Ël concors a spòrz quatr session, dont doe an lenga piemontèisa:

Session C – Tema lìber

Session D – Ale dël temp al vent

La cotis ëd partessipassion a l’é d’€ 8,00 për na poesìa e d’€ 15,00 për tre, bele se an session diverse.

Për arsèive la còpia dla crija telefoné an segreterìa: 0121 500097 (da 7 a 8 ore dla sèira).

Scadensa: 29 d’avril 2011.

Mandé le crije dij concors a giovpiem@yahoo.it. Le crije ant un-a dle lenghe stòriche ‘d Piemont a saran publicà an integral. S’a l’han piasì as podrà dcò, apress la premiassion, mandé ij test ëd j’euvre premià, an formà word e con l’autorisassion a la publicassion an sël sit.
Considerand ij but dël Moviment, ël sit a fà nen reclam a ‘d concors an italian, nì a coj ch’a ciamo la tradussion ëd j’euvre piemontèise. Ij mèistr dël sit a s’arzervo comsìa ‘d serne le signalassion da publiché.