Bastian Morel a l’é nassù a Rossan-a (Coni) dël 1940, e a stà a Fossan.
A scriv da sempe an Lenga Piemontèisa për sò piasì; për sòn a son vàire ij moment significativ ch’a marco costa longa atività. Soa produssion a ven publicà an manera regolar ansima d’ebdomadari, d’arviste, ëd lìber, d’armanach e vàire periòdich. A l’ha già publicà doi volum: “Da mè diari minca tant na pàgina” (1992) e “Sonèt” (2006).
A pija part a ‘d trasmission ansima le radio locaj. A l’ha vagnà ‘d concors literari e, an séguit al passage dl’esam, a l’é abilità a mosté Lenga Piemontèisa, atività ch’a l’ha portà anans ant le Scòle stataj, ant ij cors organisà dai Moviment Colturaj e ant l’Unitrè ‘d Fossan.
Armarca ‘d prestis: a l’ha virà ‘l Pare Nòstr an piemontèis, orassion che, për mérit ëd la Diòcesi ‘d Fossan, adess a l’é anmurà ant la Cesa omònima an sël Mont ëd j’Uliv a Gerusalem.