Ai 19 ëd Fërvé dël 1416 ël Sàcher Roman Germànich Amperador Sigismond dël Lussemborgh, obligà vers ël Cont Amedé VIII ëd Savòja, le Salomon de son siècle, a alva la Contea ‘d Savòja an Ducat.
Col di a marca la nassensa polìtica dj’Ëstat ëd Savòja. Sota ‘l Duca Amedé VIII ël teritòri a ambrassrà Savòja, Piemont e Nissa, con Vërsèj, Civass, Alba, Canavèis e Òssola, e a sarà un Pais apasià ant un moment tribulà. Ant coj agn nòsta tèra a conòss ël dësvlup ëd j’art e dj’ëstudi, a chërsrà ant soa consiensa polìtica con l’adossion d’un sistema rapresentativ (Statuta Sabaudiae). Ël Piemont a vnirà esse un prinsipat e a vëdrà nasse sò Drapò.
Ël 2016 a marca ij 600 Agn dal col di fondamental për nòsta stòria e nòsta consiensa nassional, un di ch’a càpita ant un moment che nòsta nassion a l’é dividùa antra doi Ëstat. J’institussion fransèise e italian-e (region, départements, comun-e…) a l’han avù gnun anteresse a selebré s’aveniment.
Con le fòrse ch’i l’oma, tutun noi i voroma nen ch’a passa sota silensi. Për adess a son organisasse doi ancontr la sèira ‘d Saba 20 ëd Fërvé. Iv anvidoma a pijeje part, për artrovesse antra conassionaj.
– A San Djan / Saint Jean de la Porte a la Salle des Fêtes
– A Turin, an via Spàlato 15
| SAN DJAN – Réservations avant le samedi 13 février | Par mail: das@etat-de-savoie.com | Par téléphone: Valérie au 06 16 51 89 97 | Pour le règlement de vos réservations: par courrier: DAS / 338, Route de la Gruvaz / 74170 St Gervais pour les chèques à l’ordre de la DAS | Par virement: Direction Aux Affaires Sav – Banque de Savoie – IBAN FR 76 1054 8000 3670 1019 1621 973 BIC BSAVFR2C. Limité à 150 personnes |
| TURIN – Sin-a dl’amicissia duverta a tùit, con la partessipassion dij Fratelli Montgolfier e dij Musicanti di Halanwa | Cost: oferta lìbera | Arzervassion dnans ëd saba 13 ëd Fërvé | Mail: giovpiem@yahoo.it | Teléfon: 339 21 00 604 | Limità a 75 përson-e |