.
Italiano English Français Castellano/Español Deutsch Pусский
Other languages.
.
A Turin la Comun-a e la Sorintendensa a l’han consentì ij travaj për la costrussion d’un postegg sot-tèra an s’un sit andova ch’as savìa bin che sota a-i era dë struture importante ch’a fasìo part ëd cola ch’a l’è stàita un-a dle sitadele an tra le pì armarcàbile d’Europa (Séc. XVI). Jë sgav a l’han dësà drocà na part ëd le galërìe. I ciamoma che, nopà dël postegg, as fasa un Parch archeològich, antegrà ant un musé che, argropand ël Musé Pero Mica, ël Musé d’Artijarìa e ‘l Pastiss (Sécol XVI), a formrìo un monument ùnich al mond.
Turin, capital ëd Piemont, a l’ha n’amplia rèj ëd galërìe e ‘d fortificassion sot-tèra, che ai temp a fasìo part ëd la Sitadela, un-a dle pì importante d’Europa, tirà sù dël Sécol XVI e demolìa a la surfassa a la mità ‘d col ch’a fà XIX. Mach na cita part ëd costa sità sot-tèra a l’é al moment duverta a le vìsite.
.
La Comun-a e la Sorintendensa a l’han përmëttù ‘d creusé giusta ‘l sit andova ch’as savìa ch’a sarìo trovasse ij tòch ëd galërìa pì bin goernà, për fé un postegg ëd quatr pian sot-tèra. Le muraje artrovà e pì ‘d 150 méter ëd la Galërìa Magistral dla Sitadela a son stàite drocà dë stërmà, sensa buté al fàit ij Turinèis.
.
Na vira ch’a l’é stàita dnunsià sa dëstrussion, ël fot dij sitadin a l’ha forsà la Comun-a e la Sorintendensa a fé un pass andarera; contut ij travaj a van anans con l’intendiment ëd fé ‘l postegg ch’a costa lòn ch’a costa ant ël bel mes ëd la zòna archeològica.
.
Le dariere dëscuverte, an tant che patrimòni inalienàbil dla stòria dla Sità, a dëvo esse tutafàit goernà e duvertà a le vìsite, tute antreghe e ant sò contest.
.
Ël “Comitat Pero Mica”, ch’a l’é formasse ant l’ocasion, a l’ha travajà për na propòsta alternativa al postegg: ël Parch archeològich Pero Mica, pivò ëd n’ansema ch’a sambla ‘l Pastiss, ël Musé Pero Mica e ‘l Dongion dla Sitadela – ch’a torna esse la sede dël Musé d’Artijarìa, un dij pì armarcàbil dël mond.
.
I ciamoma donca
– ch’a chito dla minuta ij travaj dël postegg an sël sit dla Sitadela ‘d Turin
– e che la Comun-a a pija l’inissiativa për torna rangé lòn ch’a l’é stàit drocà për arcostruì ‘l contest original,
– ch’a fasa ampressa tut lòn ch’a venta për la costrussion dël Parch archeològich e dl’ansema museal Pero Mica
– e che as daga da fé për fé an manera che tuta memòria archeològica ch’as treuva sot-tèra a Turin a sia vincolà e butà sota tùa për butela a la sosta ‘d tuta dëstrussion për l’avnì.
.
► PETISSION
► Comitato Pietro Micca – 338 4334539 – 339 2100604 – per adesioni: comitatopietromicca@libero.it
► Gruppo Salviamo il patrimonio archeologico della città di Torino. La Cittadella
► PETIZIONE: Modulo cartaceo scaricabile .pdf (da stampare in fronte/retro)
► Comitato Pietro Micca – Modulo cartaceo di adesione
Vogliamo far sentire la nostra voce far leggere i nostri messaggi, per ribadire insieme che il Parco Archeologico Pietro Micca è possibile e diverrebbe il centro di un Polo museale che comprenderebbe il Pastiss (fortezza del 500), il Museo Pietro Micca e il Maschio della Cittadella. Che col turismo si fa economia, che i nostri giovani vivranno di quello che siamo riusciti a salvare e non certo di parcheggi.)