«Vojàutri i seve religios për rusé e dëscute, e bate fòrt con ël pugn; ancheuj vojàutri i seve religios nen an manera ‘d fé sente vòssa vos an Cel. É-la costa la religion ch’am pias? Ël di che l’òm a tormenta soa ànima? Pieghé la testa tame un gioncolin, cogesse su ‘n sach e sla sënner, é-la costa cola ch’it ciàmes religion? Cola ch’am pias a l’é ch’a s’ës-ciapo le caden-e dla gramissia, ch’as dësgropo le liure dël giov. A l’é costa: a l’é che ti t’ëspartìsses tò pan con chi ch’a l’ha fam, che ti it mèn-es an toa ca ij povròm sensa arpar, che cand ch’it vëddes un patanù, it lo coàtes; e che ti it ëstërmes nen a col ch’a l’é carn ëd toa carn». (Isaìa 58, 4-7)
Tavo Burat – Poeta an piemontèis
La matin dij 18 dë dzèmber 2009, a Biela, a l’amprovista a l’é partì për ël Siel Tavo Burat, magìster dla Companìa dij Brandé, figura fondamental a l’arneuv e al dësvlup dla bataja për la lenga piemontèisa e për tute le lenghe naturaj.
Mach chi ch’a l’ha conossulo e a sà ‘d sò angage as rend cont ancheuj a che mira costa sotrassion a sia crudela. Tùit i perdoma n’amis, na mira d’arferiment, un gran poeta, në studios, n’arsercador, un pensador ancreus, un magìster ch’as na sentrà la mancansa bin dëdlà dij termo ‘d Piemont.
Ansëgnant, militant polìtich, poeta e scritor, a l’era nassù a Stezà/Stezzano (Bèrghem) dël 1932. Segretari për la Repùblica italian-a dl’«Associassion antërnassional për la difèsa dle lenghe e dle colture mnassà» dal 1964, coordinador dla «Ca dë Studi Dossinian», sòcio fondador dla «Ca dë Studi Piemontèis», dl’«Escolo dóu Po» e dël Consej dla Resistensa bielèisa, fondador (1974) e diretor dl’«Alp – Vos dl’arvira piemontèisa».
Mach chi ch’a l’ha conossulo e a sà ‘d sò angage as rend cont ancheuj a che mira costa sotrassion a sia crudela. Tùit i perdoma n’amis, na mira d’arferiment, un gran poeta, në studios, n’arsercador, un pensador ancreus, un magìster ch’as na sentrà la mancansa bin dëdlà dij termo ‘d Piemont.
Ansëgnant, militant polìtich, poeta e scritor, a l’era nassù a Stezà/Stezzano (Bèrghem) dël 1932. Segretari për la Repùblica italian-a dl’«Associassion antërnassional për la difèsa dle lenghe e dle colture mnassà» dal 1964, coordinador dla «Ca dë Studi Dossinian», sòcio fondador dla «Ca dë Studi Piemontèis», dl’«Escolo dóu Po» e dël Consej dla Resistensa bielèisa, fondador (1974) e diretor dl’«Alp – Vos dl’arvira piemontèisa».
___________________
► Piero Delmastro, Aldo e Alberto Fappani, Al fratello Gustavo Buratti Zanchi
► Censin Pich, Tavo, frel e magìster
► Censin Pich, Tavo, frel e magìster