PIEMONT DËV VIVE
Imn ëd la Companìa dij Brandé
(Trad. Séc. XVI – L’Anvod dij Bré)
Ant nòstr cheur ël cel s’anrèisa,
giuss ëd tèra a l’é nòstr sangh:
nòsta lenga piemontèisa
l’é la sava ‘d nòstr doman.
Arfren:
Piemont, ardità d’amor
ch’a l’ha dane ‘l Creator.
Piemontèis! Piemont dëv vive
sij brandé dël nòstr onor!
Piemontèis! Piemont dëv vive
sij brandé dël nòstr onor!
Ant la ment la vos testarda
dle montagne ‘d nòstr Pais,
drinta l’ànima gajarda
branda ‘l feu pamai dëstiss.
Për Piemont e për l’Europa,
gent dla pian-a e gent dij brich,
soma a l’erta ardì sla piòta
con l’ardor dij Gaj antich!
