La lus dël chinché
Tavo Burat
Toe men grinose a l’han guernì la ca
con le reuse dël giardin,
viscà la lus dël chinché;
malgré travaj, bataje e tut j’afront
mè cheur ferì a l’é ancor nen faità.
Ti it guèrne sclint ël feu e l’eva dla sìa
con ëd sempie e manenghe maravije,
it bute sosta ant ël mond
a sti mè seugn vagabond.
Tutun sai pro tò sagrin ëstërmà,
ël silensi ëd tò pioré…
mia gòj a l’é përdùa, mia ben van-a
antan che a grandis minca di toa pen-a.
(liberament ispirà dal poeta provensal Suli-Andrèu Pèire)
Men: plural bielèis ëd «man» | manenghe (biel.): «doméstiche» (it.), ma ‘dcò ch’a ven-o da la «man».