L’é forse cost cel?
Marisòt
I scoto cost vent
che adess am fà arvive
I guardo le rive
ch’a spòrzo j’erbëtte
ant un desideri
‘d na dansa legera.
I serco quaicòsa
ch’i sai nen trové…
che forse a l’é sì:
an brova ai mè pé.
L’é sì a guardeme
con n’aria genà…
O forse i son mi
ch’im geno? Chi sà!
Chi sà, peui, përchè
quand tut l’é armonìa
i sento sì andrinta
un pò ‘d nostalgìa?
L’é forse cost cel
ch’am fà medité
quaicòsa ch’am pèisa…
e i sai nen trové?
◄ Marisòt