La Festa Nassional ëd j'Ëstat ëd Savòja

Pì che sincsent përson-e a l’han arvivà la Festa Nassional ëd j’Ëstat ëd Savòja, dumìnica 7 dë Stèmber 2014. Ëd gent da tut ël Piemont, la Savòja e la Contea ‘d Nissa, rivà dcò co’ij pólman. Vàire j’associassion presente an forma ufissial (ma nen cole piemontèise). Ij media… nen na paròla. Che sòn a fasa pensé chèiche piemontèis ch’a l’han ancor ëd dùbit. Për antan, ch’a na parlo o nen, j’Ëstat ëd Savòja, antica nassion ëstòrica ant ël cheur dl’Europa, a marcia a pass significativ vers la libërtà e la riunificassion.

Un gròss mersì ‘d cheur a tùit coj che, con sò travaj, con soe qualità artìstiche e con soa presensa, a l’han fàit an manera ‘d fé dcò cost pass anans vers l’arnàssita ‘d nòsta consiensa nassional.

Viva Savoya! 

Fòto: Maria Teresa Fusé

Ël test ëd l’Arneuv dij Vot, lësù ant ël piemontèis ëd Noara da Elisabetta Silvestri:

Maria, Beata Vérgin ëd Superga, Regina dël Cel, Regina dla pas, mama dël Signor e mama ’d tuti nun, Santa Vérgin Consolà, nòstra protetris, ch’a të vegni dal Cel për fan coragg e për compagnan int ël nòstar pelegrinagg vèrs la patria eterna andova ch’al dòmina ël Tò Fieu Divin, Gesù, Coredentris e mediatris dë tuti ij grassii, ca Ti sè sémpar scoltà ij sùplichi dla nòstra gent, ch’la ciamava la Tò intercessiôn për la liberassiôn da cuj che i vorévan fà gnì smarì ij nòstar valor e la nòstra libertà, sostegna ij nòstar pastor, ch’i rapreséntan ël Tò Fieu, për ch’in ménan con amor su la stra dla Verità, disvegia i Tò fieuj ca ti sè ciamà a Ti, dagh fòrsa a la nòstra fed e fala gnì n’ëstrument ëd pas tra i òman e tra i pòpol; int i dolor, int i lòti, int i bisògn, diféndan dal nemis, e, quand ch’a gnarà la nòstra ora, ricévan in Paradis cont Gesù Crist, ël Tò Fieu, Dio ùnich e ver, benedissa sti tèri dël Piemont, dë Nissa e dla Savòja, dova che la Providensa an dà l’onor dë viv, e tuti i sò gent, e benedìssan nun ch’i soma chì incheu, insèma ai nòstar famigli e ai nòstar amis, ch’i pòdan sémpar gòd dla salud dël còrp e dël spìrit, ch’i gh’àbian la fòrsa dë continuà còn coragg la nòstra missiôn, dë pardonà cuj ch’in oféndan e dë cercà e ’cetà sémpar con amor la volontà dël Signor. Regina di Stat ëd Savòja, prega për nun.

– – –

Marie, Bienheureuse Vierge de Superga, Reine du Ciel, Reine de la Paix, Mère du Seigneur et mère de nous tous, Sainte Vierge de la Consolation, notre patronne, Vous qui venez du Ciel pour nous insuffler le courage et nous accompagner dans notre pèlerinage vers la patrie céleste où domine Votre Divin Fils, Jésus, Corédemptrice et Médiatrice de toutes grâces, Vous qui avez toujours écouté les prières de nos gens qui Vous demandaient d’intercéder pour être délivré de ceux qui voulaient annuler nos valeurs et notre liberté, soutenez nos pasteurs, qui représentent votre Fils, qu’ils nous accompagnent avec amour sur la route de la Vérité, réveillez Vos enfants que vous avez appelés à vous, donnez de force à notre foi et transformez-la en un instrument de paix parmi les hommes et parmi les peuples; dans les chagrins, les luttes, les besoins, défendez nous contre l’ennemi, et, quand arrivera l’heure, recevez nous dans le Ciel avec Jésus Christ, Votre Fils, le seul vrai Dieu, bénissez ce Pays de Piémont, Nice et Savoie, où la Providence nous accorde l’honneur de vivre, et tout leur peuple, et bénissez nous, qui sommes ici aujourd’hui, avec nos familles et nos amis, que nous pouissions toujours jouir de la santé du corps et de l’esprit, que nous pouissions avoir la force de continuer notre mission avec courage, de pardonner à ceux qui nous ont offensés et de chercher et toujours accepter avec amour la volonté du Seigneur. Reine des États de Savoie, priez pour nous. 

Racines Du Pays Nicois: … à la “Festa Naciounala dei Estat de Savoia” à Superga, les Nissart étaient en nombre, les associations niçoises ayant répondu en masse (Nissart per tougiou, Sian d’Aqui, Raïs dou Païs Nissart, Boulegan Sian Nissart, Mouvimen Citadin dou Païs Nissart, Lou Cavalié Nissart et la Fédération des Associations du Comté de Nice). Tous réunis avec nos frères et soeurs du Piémont et de Savoie, nous avons formulé un serment dans les trois langues: Piémontais, Nissart et Français dont je vous livre la version “en lenga nouòstra”: 

JURAMEN DE SUPERGA.   Ancuei, davant la Basilica de Superga, luec istòricou e simbòlicou, doun es partit la carga vitouriousa encontra lu francès en 1706, nautre, Nissart, Pimountes e Savouiart, poble de l’Arc Alpin, juran d’estre fedel à la nouòstra istoria e d’agí per la radunansa e la reunificacioun de lu estat de Savoia. Lou 7 de setembre en 2014.

SERMAN ËD SOPERGA.   Ancheuj, dëdnans a la Basìlica ’d Soperga, leu stòrich e simbòlich, d’andova ch’a l’é partìa, dël 1706, la caria vitoriosa contra ij fransèis, nojàutri Savojengh, Nissard e Piemontèis, i foma serman ëd resté sempe fedej a nòssa stòria e ’d travajé përchè jë Stat ëd Savòja a sio torna unì.

SERMENT DE SUPERGA.   Aujourd’hui, devant la Basilique de Superga, lieu historique et symbolique, d’où est partie la charge victorieuse contre les français en 1706, nous, Savoisiens, Niçois, Piémontais, jurons d’être fidèles à notre histoire et d’agir pour le rassemblement et la réunification des États de Savoie. 

► Fondo di solidarietà per salvare il Circolo Beni Demaniali (ex CRAL della Corona) dopo che “qualcuno” ha dato fuoco alla sua sede storica nella Cavallerizza Reale di Turin

► Ël Sant Rosare

 

---

Ël Moviment Gioventura Piemontèisa a-j dis gran mersì con ël cheur a tùit coj che, con sò travaj, soa disponibilità, soa passiensa, soa passion e soa competensa, a l’han fàit an manera che la Festa Nassional ëd j’Ëstat ëd Savòja ‘d dumìnica 7 dë Stèmber a Soperga a sia stàita un sucess. 
An particolar
al Selebrant don Giusep Zeppegno, al përsonal ëd la Basìlica, a Cinzia e a l’«Artis Opera» e a la «Banda Musical Santa Sessilia» ‘d Trofarel, a l’organista Pasquale Bombardieri, rivà da Genoa, a Stevo d’Ivreja për soa diression litùrgica e a Betty da Noara, ch’a l’ha esprimù ij Vot badiaj,
a chi ch’a l’ha fàit ëvnì piasosa la giornà con soe figurassion ëstòriche: ël Grup Ëstòrich «Borgo Talle» d’Alpignan, ël «Grup Ëstòrich Militar Carl Emanuel II e Regiment dle Vardie dla Venerìa Real», «Historia Subalpina» e a Giòrs e Albert, ij coordinador,
a “La Bela Rosin e soa gent”, present malgré la dësgrassia d’avèj pen-a përdù la sede e l’archivi ant un feu fraudeus e malgré ch’as treuva dëdnans a ‘d tribulassion,
a chi ch’a l’ha presentane an costa ocasion la fiamenga tradission musical piemontèisa e la vitalità novatora ‘d nòsta art musical: Lele Danesin e ij «Fratelli Montgolfier», Cecco Cavallero, Luca Poet e «Ij Bogianen»,
a l’État de Savoie e a Racines du Pays Niçois, për la co-organisassion ëd la manifestassion e la presensa bondosa,
al «C.A.S.T. 1983 Club Amici Sostenitori del Toro», dcò lor frapà dal fogheri dla Cavalarissa e, malgré lòlì, an fòrsa ‘dcò tan’me servissi d’ordo e guida,
a Bruno, Albert, Giòrs, torna a Lele e a «Armonìa» për l’organisassion logìstica e la regìa dla part musical e spetacolar,
a Rodolf e Delfina për ël mainagi dl’acujensa, ël coordinament dj’esposidor e l’assistensa técnica,
a Ana Maria e Nanni, ch’a l’han confessionà le cocarde,
a Maria Teresa da la Val ‘d Luserna e a Gilin për le fotografìe e j’arprèise filmà,
a Giusep, soa madamin e tut sò staff, për la preparassion dla ròba da mangé, ël mainagi dël banch dla ròba mangiativa, l’organisassion dl’Omage a la Santa Vergin-a ‘d Soperga,
a la «Mario Pavesio» për la fornidura ‘d material e ‘l sostegn,
al Consej Regional dël Piemont, a Fabrissi, Andrea, Maria Teresa, Silvana, Federì, François për sò agiut logìstich e material,
a la Cantin-a Social «Terre Astesane» ‘d Mombërsè,
a l’Associassion «Il Tiepolo» ‘d Montad Scarampi,
a «La Marenda Sartòira» ‘d Ludvica Toscan,
al periòdich «L’Araldo del Piemonte e della Valle d’Aosta»,
a j’Associassion rivà an forma ufissial e an gran nùmer: Boulegan Sian Nissart, Confédération Savoisienne, Direction aux Affaires Savoisiennes, Etat fédéral de Savoie, Fédération des Associations du Comté de Nice, Lou Cavalié Nissart, Mouvimen Citadin dou Païs Nissart, Nissart per Tougiou, Racines du Pays Niçois/Raïs dou Païs Nissart, Savoie Libre, Sian d’Aquì,
a tùit ij danseur, ardì o trabucàire,
a Carl, Jean, Andrea, Clàudi, Emanuel, Federì, Milo, Valter e a Alain, rivà espress da la Catalunya,
a chi ch’a l’ha nen podù vnì e ch’a l’ha mandane la preuva ‘d soa avzinansa
e a tùit coj che, rivà da tut Piemont (da l’Òssola coma da Coni), da la Contea ‘d Nissa e da ‘n Savòja, a l’han vorsù passé con noi, tùit ansema, costa bela giornà a l’ansëgna ‘d nòsta identità nassional, ant la speransa ‘d n’avnì ‘d libërtà e d’indipendensa.
A tùit a-j vada nòstr ambrass, a un a un.
Porté passiensa se cheicòs a l’ha nen fosonà cme ch’a duvìa, n’àutr’ann a andarà sens’àutr mej.
Ant l’arcòrd dij nòsti ch’an vardo da l’Àut, ciamand ancor na vira la benedission ëd Nòsta Sgnora ‘d Soperga, iv doma ‘l randevó ai 12/13 dë Stèmber dël 2015, an augurandve n’ann pien ëd sodisfassion.
E che Nosgnor a benedissa Piemont, Nissa e Savòja.