Pì che mila përson-e stassèira a Turin a la flambairà ‘d solidarietà për ël Circolo Beni Demaniali dla Cavalarissa Real, che cheidun (?!) a l’ha daje feu a la sede stòrica ai 30 d’aost. La sèira a séguita tuta la neuit con un consert musical për cheuje ‘d fondo për ël Cìrcol.
Ëd Turinèis ëd tute j’età a l’han manifestà an manera ciàira soa oposission a la svèndita dla Cavalarissa Real. Ël Circolo Beni Demaniali a dovrà arnasse e resté andova a l’é sèmper stàit. A l’han daje feu për fé core via ij Piemontèis, sbassé ‘l pressi ‘d vèndita, rende pì lesta la speculassion, dëstruve n’àutr tòch amportant ëd l’identità turinèisa. A veulo nen fé ij cont con lòn ch’a penso la gent, che stassèira a son calà an piassa contra j’intimidassion mafiose.
La manifestassion a l’é stàita organisà da Assemblea Cavallerizza 14:45 ansema al Circolo Beni Demaniali, Gioventura Piemontèisa, C.A.S.T. 1983, A.L.F.A., La Bela Rosin e la soa Gent.
6.9.2014
