Andova a son finì ij Piemontèis,
ij legendari Bogianen,
ch’a l’han nen trëmblà dnans ij fransèis,
‘dnans a j’alman?
Coj òmo fiér, un pò testard, co’l pass pesant da montagnar,
ch’a l’han fecondà sta nòsta tèra tribulà.
Andova a son finì coj Piemontèis
con la vos dura e ‘l cheur d’ëvlu, ch’a l’han lotà,
ch’a l’han sofert, ch’a l’han chërdù?
Coj travajeur sensa soris
ch’a l’han piantà nòste radis,
sota le fiòche, sota ‘l tuf, sota ‘l cél gris.
Lontan, lontan…
com un lament as leva na canson,
a l’é ‘l sospir profond dla tradission,
ch’a smija ‘n bësbijé ant j’orije ‘d nòsta gent:
Dësvijte, Bogianen, àussa toa front,
arvèndica toa tèra, tò Piemont!
Andova a van ij Piemontèis
con cola facia da artajor
ch’a smija speté la man dël prèive e dël sotror,
e con ël cul ansavonà
da presenté com un bochet
al prim beté ch’a mostra j’ale da galet?
Andova a van ij Piemontèis
co’l còl ëstòrt e ij sòld an man
për mërcandé ‘n pò d’ilusion fin-a doman,
con le scalòsse fòra dl’uss
per fé pì ‘npressa a ampajé ij tond
se ‘n deficent a crija ch’a-i é la fin dël mond?
Lontan, lontan…
com un lament as leva na canson,
a l’é ‘l sospir profond dla tradission,
ch’a smija ‘n bësbijé ant j’orije ‘d nòsta gent:
Dësvijte, Bogianen, àussa toa front,
arvèndica toa tèra, tò Piemont!
Andova a finiran ij Piemontèis
con l’italian an mes ai dent
e con le fomne e ‘l sol dij nàpoli ant la ment,
le braje pien-e ‘d confusion,
grassios cadò ‘d coj pelegrin
mandà da Roma an nòste vigne a fé ij padron?
Andova a finiran ij Piemontèis
con le man veuide e ij tubo pien,
imposission, nacià, gabele, umiliassion,
sensa ‘n drapò, sensa destin,
tra pizza, mafia e mandolin,
sensa ideal, sensa n’ëspron, sensa ambission?
Lontan, lontan…
com un lament as leva na canson,
a l’é ‘l sospir profond dla tradission,
ch’a smija ‘n bësbijé ant j’orije ‘d nòsta gent:
Dësvijte, Bogianen, àussa toa front,
arvèndica toa tèra, tò Piemont!
Dësvijte, Bogianen, àussa toa front,
arvèndica toa tèra, tò Piemont!
11.12.2013
Camera ardente per Gipo al Teatro Carignano (venerdì dalle 10), dove aveva esordito al fianco di Macario.
► È morto Gipo Farassino: cantò il Piemonte
