Na sentensa ëd marca rassista e totalitaria dla ► “corte costituzionale” italian-a (che la Region Piemont a l’ha faje le riverense sensa pijessla tan càuda) a l’ha portà a la fin ëd la colaborassion antra l’Ent pùblich e Gioventura Piemontèisa. Costa discriminassion inacetàbila dla lenga piemontèisa rësguard a j’àutre lenghe minoritarie ‘d Piemont a l’ha campà fòra la prima lenga dël Piemont da la scòla e de facto a l’ha istaurà la proibission ëd parlé piemontèis, dagià che na lenga rajà da la scòla a l’é ► condanà a l’estinsion.

13.000 signature për porté l’atension ansima cost insult al pòpol piemontèis a l’han portà gnun arzultà. Ij Piemontèis a séguito a trové l’uss ëd bòsch. Ebin: cost uss i dovoma campelo giù.

Ël nùmer ëd coj ch’a-j ven-o dapress a le propòste ‘d Gioventura Piemontèisa a séguita a chërse; an tut cas nen tùit as rendo cont che le ròbe a van nen anans daspërlor, ch’a-i é da manca ‘d sostegn real.

Ël senari andova a l’é bogiasse ‘l Moviment an costi agn a esist pì nen, l‘assion ëd Gioventura Piemontèisa viravoltà a ven butà an dëscussion dai sò aderent. Ël Moviment a fà soe le novità e le propòste, dnans a ‘d condission ch’a cangio da ‘n mèis a l’àutr. 

Për rësponde a l’arcesta ‘d fé front comun butand ël Moviment che an costi ani a l’ha mostrà d’esse stàit ël pì inovativ e eficent a disposission ëd tùit ij Piemontèis, slargandlo a tute cole përson-e ‘d bon-a volontà ch’a sento l’ëbzògn ëd travajé ansema për deje n’avnì a l’identità piemontèisa, a-i é da manca d’agiut concrét.

Ë l   p r i m   p a s s   a   l’ é   c o l   ë d   f é   l’ i s c r i s s i o n.  
A d e s s.

Ant ës moment a-i é da manca ‘d tùit ij Piemontèis ëd volontà sclenta, cola ch’a sia soa età o soa ideja polìtica.

________________________________________________________

I S C R I S S I O N

L’iscrission a part dal di dël versament ëd la cotisassion e a l’é anuala.

COTISASSION:
Da ancheuj ël cotiss a l’é lìber, mincadun a sosten Gioventura Piemontèisa con lòn ch’a veul e lòn ch’a peul.

► Sot ij 30,00 Euro a ven mandà la téssera d’iscrission e un a l’ha drit a j’ëscont ansima j’inissiative ‘d Gioventura Piemontèisa.

► A 30,00 Euro un a peul fé l’eleta d’un antra trèi volum an omagi dj’edission Gioventura Piemontèisa (disponìbij fin ch’a son nen epuisà)

• Bianca Dorato, Mèira Peròt (p. 96, 12×20 – ISBN 978-88-89768-20-4)
• Bastian Morél, Bësbij dël vent – 50 conte ch’a anseren-o la ment (p. 136, 12×20 – ISBN 978-88-89768-26-6)
• Giorgio Tessiore, Rodolfo Filipello, Ël Sant Sudari / La Santa Sindone – da Gerusalem a Turin an bataja contra ‘l feu (p. 136, 15×23, anlustrà – ISBN 978-88-89768-36-5)

o dël Drapò nassional piemontèis (cm 150 x 100, produssion europenga). Spedission a ca sensa spèise.

Iscrission familiar: ël versament dai 30,00 Euro an su a dà la possibilità ‘d ciamé l’iscrission, sensa gnun àutr cotis, ëdcò për ij sò dla famija ch’a stan a la midema adressa.

► A 50,00 Euro e pì (iscrission benemérit) a ven mandà an omagi ël volum Storia del Piemonte ëd Michele Ruggiero (p. 736, 17×24, arlijà – ISBN 978-88-89768-33-4)

L’iscrission as peul fesse apreu dij responsàbij teritoriaj dël Moviment opurament con versament an sël cont ùnich (as peul fesse ‘dcò an linia):

Banca CRS – IBAN IT 29 A 06305 01000 00011 0101165 – CIN: H – BIC SARCIT 25 

antestà a Gioventura Piemontèisa, Audalengh Grand (Odalengo Grande – AL)