2.6.2013
Stamatin ant la Sala Consiliar ëd la Ca dla Comun-a ‘d La Vila (Vilafranca Sabàuda/Villafranca Piemonte) për la prima vira la Comun-a a l’ha onorà quatr përsonagi ‘d riguard con la Sitadinansa onoraria: a s’agiss ëd Don Franco Monetti, Arabella Cifani, Augusto Cantamessa e Vitòria Rollé.
E a l’é giusta për Vitòria Rollé ch’i s’arlegroma an manera particolar. S’ël pais che un a l’é originari a-j arconòss la vajantisa ‘d sò angagg e ‘d sò travaj, a l’é un-a ‘d cole sodisfassion com a-i na j’é pavàire. A l’é rivaje a nòsta Vitòria, na magistra an-namorà ‘d sò travaj e dla lenga ‘d soa gent, a la mira ch’a l’é nen limitasse a scrivla (con d’arzultà ch’a l’han dëstrala dun-a ant la stòria dla literatura piemontèisa): an costi ani a l’ha portala, con competensa e spìrit ëd sacrifissi, a le masnà dj’elementar an desen-e e desen-e ‘d classe. Chilométer e chilométer amont e aval, për andeje mosté a nòsti fieuj la lenga ‘d nòsta gent, për fé an manera che a-j resta cheicòs ëd la coltura che an Piemont i vivoma da mila ani, e che cost Ëstat a veul dësganfé sempe mai. E sòn a l’é n’assion eròica.
Sitadin onorari ‘d La Vila.
ansem al Sìndich Agostino Bottano.
La registrassion dël conferiment ëd la Sitadinansa a Vitòria Rollé, longh ël consej comunal duvert dij 2.6.2013
AUD0028 Sitadinansa onoraria Vitòria Rollé 1