Ël Programa ARBUT – Ël Piemontèis a scòla 2010/2011 a anandia d’àutri tre cors ëd formassion ëd Lenga Piemontèisa.
– A arpija ‘l Cors ëd Lenga Piemontèisa al Borgh (Borgo San Dalmazzo – CN), vënner 5 ëd novèmber a ‘n quart a 9 ore ‘d sèira a la Sala polivalenta “La Piazzetta”, an contrà Don Orion 9/A (inissiativa an colaborassion con la Region Piemont, la Provinsa ‘d Coni, la Comun-a dël Borgh e j’Associassion “La Vos dël Cheur” e “Piemont Dev Vive”)
– A s’anviara un neuv Cors ëd Lenga Piemontèisa a Bàussla (Balzola – AL), giòbia 11 ëd novèmber a 3 bòt a la Biblioteca Comunal ëd contrà Roma 69 c/o Ca dla Comun-a (inissiativa an colaborassion con la Region Piemont, la Provinsa ‘d Lissandria, la Comun-a ‘d Bàussla e l’Associassion “Le Amiche della Biblioteca”).
– A torna ‘l Cors ëd Lenga Piemontèisa ‘d prim livel ëdcò a TURIN, lùn-es 8 ëd novèmber a 5 ore ant la Sede ‘d Gioventura Piemontèisa, an contrà ‘d San Scond 7bis (inissiativa an colaborassion con la Region Piemont e la Provinsa ‘d Turin).
– N’àutr Cors ëd Lenga Piemontèisa a pijërà l’andi sèmper ant la Sede ‘d Gioventura Piemontèisa vënner 12 ëd novèmber a 3 bòt e mes, organisà da l’Unitre
Ant l’ocasion iv arcordoma ‘l Cors d’art dramàtica an lenga piemontèisa 2010/’11 organisà dal Teatro Zeta ‘d Pier Giorgio Gili ansema Gioventura Piemontèisa, ch’a ancamin-a giòbia 28 d’otóber a 5 ore, sèmper a Gioventura Piemontèisa.
Për tuta anformassion: 011 7640228 – 339 2100604