Dëscarié la crija completa dël concors
[Mersì a Adriana Chiabrando për la signalassion]
_____________________________________
Renato Canini
Albèis ëd nàssita, a l’é intrà an banca da giovo e a l’é restaje për trantessinch ani. Peui con sò càmper a l’ha virà an sù e an giù tuta l’Europa a l’arserca dë “stòrie dròle” che a l’ha peui arportaje, a soa manera, an piemontèis. A l’era un poeta e në scritor fiamengh e satìrich. A l’ha scrit an piemontèis tre lìber ëd faribolade A mi am ëscapa da rije (Martini, O Borgh), Stòrie dròle 1 e Stòrie dròle 2 (Libreria Piemontese, Turin). Chiel a scrivìa an vers e rima, ma a disìa ch’a j’ero pa ‘d poesìe le soe, anlora, tant parèj, a l’ha ‘dcò fàit Ël Gran Rimari Piemontèis (Primalpe, Coni) con bin 42.000 vos dël piemontèis parlà, con manere ’d dì, forme verbaj iregolar e esclamassion.Chiel as definìa: «S’i veule savèj chi ch’a l’é col ch’a l’ha rapolà an gir për l’Europa le stòrie dròle iv lo diso sùbit: a l’é n’ex-banché, barzlëttista da sempr. Dle vòlte a scriv ëdcò dë stòrie dròle an rima e dle conte an sla gent ëd la Langa. A gira an Euròpa con ël càmper e quand ch’a-j fan nen giré le scàtole a l’é ’d bon umor. Chiel-lì i sarìa mi…»
A l’ha lassane a l’amprovista al di ’d Pasca dël 2007.
